Maayong Panlawas

Acne: Usa ka dakong problema

By: Lordan Igot Jr.

Giingon nga ang atoang panit ang nagsilbing proteksyon sa atong lawas taliwa sa mga inpeksyon. Kini pud ang magpugong sa mga kagaw sa pagsulod sa atong lawas nga maoy magdala ug mga klase-klase nga mga sakit. Ang gawasnong bahin sa atong panit mao’y giingon nga epidermis nga giputos ug usa ka mantikaon nga butang( cebum) nga gipagawas sa atong oil glands, kini ang magpasinaw sa atong panit.

Apan tungod sa mga tao nga jaron mga pabaya na, nya ang atoang palibot kay hugaw na tungod rapod sa mga tawhanong buluhaton, mas daghan na ang nay mga sakit sa panit. Dili na kita makagawas sa atong panimalay tungod kay maghuna-huna na kita nga basin maputos kita sa mga kantyaw ug mga sungog.

Pinakapopular ang ginatawag natong mga complexion problems (Acne). Gilangkuban niini ang mga whiteheads, blackheads ug pimples ( Bugas o tagyawat). Tungod kini sa sobra nga pagpagawas sa atong mga oil glands ug mga mantika. Ang mha oil glands makit-an nato sa atong dermis layer, walay labot ang atong lapa-lapa ug pad-pad.

Ang problema sa acne kay dili makatakod, kini tungod sa atong mga personal habits. Pero wala may gi-ila nga pamaagi aron kini mawala, di-a hinuo’y mga pamaagi aron macontrol nato ni. Kini ang mga pamaagi:

1. Pagkaon ug balance nga dyeta nga puno sa fibers para maotang-tang sa mga hugaw sa atong lawas. ( Dili ang pagkaon ug mantikaon maoy hinungdan sa acne, pulong pa sa uban.)

2. Hugasan ang aping ug sabon ug tubig nga init-init. Mga isug nga ingredients sa usa ka sabon mao’y pwede nga mo-irritate sa atong panit, busa giawhag sa paggamit ug mild soap.

3. Ayaw ug sige’g lugod sa nawng, mao kini’y makakatag sa mga kagaw.

4. Ayaw gyud kurita ang bugas. Mosulod hinuon ang kagaw kun kini buhaton.

5. Pahuway lang gyud kun ikaw stress kay kung stress ka mas mopasamot kini sa bugas.

6. Gani man mosabud ang imong buhok sa imong nawng, usba ang style sa imong buhok; kini may magdala pud ug mga kagaw.

7. Ayaw hikapa imong nawng; ang kamot may tigdala ug kagaw.

8. Sugdi ug amping ang imong nawng samtang bata ka pa aron dili ka magkaproblema sa imong panit.

Human mabuhat ang walo ka mga pamaagi nga naitala sa ibabaw, apan wala gihapo’y kausaban, mas maayo nga magpakonsulta na sa skin specialist.