wonder malunggay cake

Wonder malunggay cake
by Vina A. Benemerito

Sa wala pa nadiskubre ang malunggay cake, ang mga tawo nga mahiligon mokaon ug bisan unsang klase sa cake apan health conscious sad kay mag pugong-pugong ug pag kaon niini. Kini tungod sa mga sagol sa cake na dili maayo sa atong lawas ug makahatag/makadugang lamang ug sakit kanato. Kasagaran sa mga mahiligon ug cake kay mga babae. Tuod dili lang kay negatibo ang tanang maihatag sa cake sa atong panglawas, naa pud kini’y maayong epekto kanato.

Sa pagkadiskubre sa malunggay cake, lain-lain ang reaksyon sa mga tawo; naa’y mga naka-uyon, naa po’y wala ganahi. Matod pa sa usa ka doctor, ang malunggay cake sakto gihapon sa nutrisyon sama pud sa kamunggay nga atong ginakaon sa adlaw-adlaw. Ang mga tawo labi na katong mga mahiligon ug cake kay pwede maka-kaon ani kutob sa ilang gusto tungod kay kani daw na cake daghan ug bitamina nga makatabang aron kita mahilayo sa bisan unsang matang sa sakit. Bisan ang mga taw nga naa’y sakit na diabetes pwede daw maka kaon niini ingon ang doctor.

Daghan nang mga taw ang nag kaon ini nga cake tungod sa mga benepisyo na ikahatag niini sa atong lawas aron kita mahimsug. Nakahi-agoman sa mga taw na mas maayo kung kini nga cake ang ilang kaonon kay dili lang daw kini lami, sakto pa sa nutrisyon ug dili maka-tambok.